வேணுகோபாலை வாழ்த்துகிறேன்-3

வேணுகோபால் மிக திறமைசாலி. அவர் எதிர்கால இந்தியாவின் நம்பிக்கை நட்சத்திரம். நேற்று அவர் செய்த சாதனை அவருடைய எதிர்கால சாதனை களுக்கு கட்டியம் கூறுவது போல் அமைந்துள்ளது.என்னடா இது ஓவர் நைட்ல டகால்டி(நன்றி:காமெடியன் அப்பாவி தமிழன்) விடறானேன்னு பார்க்கிறீர்களா? நான் சொல்வது வேணுகோபால் ராவ்.கிரிக்கெட் வீரர்.நேற்று ஆஸ்திரேலிய-ஏ அணியுடனான ஆட்டத்தில் நன்றாக விளையாடி 55 ரன் எடுத்து இந்தியா வெல்ல வழிவகை செய்துள்ளார்.

இன்று பதவியேற்ற உடன் முதல் வேலையாக எய்ம்ஸ் பதிவாளரை வேலையை விட்டு செல்லுமாறு கேட்டுக் கொண்டுள்ளார் வேணுகோபால். சம்பளம் விவகாரத்தில் அவர்தான் தவறு செய்ததாக புது கரடி கிளம்பி உள்ளது.ஆனால் மிகவும் சுவாரசியமான பல தகவல்கள் எதிர்ப்பார்க்கப் படுகின்றன.

ஆனால் என் சிறுமூளைக்கு எட்டிய சில விஷயங்களை நான் இங்கு பகிர்ந்துகொள்ள ஆசைப்படுகிறேன்.இந்த பிரச்சினைக்கு முன்பே வேணுகோபாலுக்கு எதிராக பல கும்பல்கள் எய்ம்ஸில் இருந்திருக்கின்றன. அவர்கள் வேணுகோபாலை தூக்க சொல்லி அமைச்சருக்கு கொடுத்த பெட்டிசன் கிடைத்துள்ளது.volte face என்று ஆங்கிலத்தில் சொல்லுவார்கள்.அது இந்த விஷயத்தில் மீடியாக்களுக்கு பொருந்தலாம்.

ஒரு சுவாரசியமான தகவல்.அந்த இடஒதுக்கீட்டுக்கு எதிரான போராட்டத்தின் போது ஏதோ அனைத்து மருத்துவர்களும் போராட்டம் செய்ததாக இவர்கள் செய்த பில்ட் அப்பும் இப்போது இவர்களாலேயே நெறுக்கப் பட்டுள்ளது.சுமார் 400 டாக்டர்களும் மாணவர்களும் போராட்டம் தவறானது என்று எழுதிக் கொடுத்த மகஜர் கிடைத்துள்ளது.ஆனால் வேணு கோஷ்டியோ அல்லது வேறு கோஷ்டியோ இவர்களை மிரட்டி அடிபணிய வைத்ததாகவும் தகவல்.

மேலும் புனித பிம்பங்களுக்கு இடையே முதலிலேயே பிரச்சினை இருந்துள்ளது.இருந்தாலும் இந்த இடஒதுக்கீடு விஷயத்தில் வேணுகோபால் புகுந்து விளையாடிய உடன் அவர்கள் ஒரு அடிப்படையில் ஒன்று சேர்ந்து விட்டார்கள். அது என்ன காரணம் என்பதை கூறாமல் தவிர்க்கிறேன்.எப்படி சொல்கிறேன் என்பதை கூறுகிறேன்.

நேற்று என்.டி.டி.வியில் ஒரு டாக்டரின் பேட்டி ஒளிப்பரப்பபட்டது. அவர் டாக்டர் யூனியனில் ஏதோ பொறுப்பில் இருக்கிறார்.ஏற்கனவே அவர்களுக்கு வேணுகோபாலிடம் பிரச்சினை இருந்தாலும் எய்ம்சின் தன்னாட்சி அதிகாரத்தை காக்கவேண்டி தாங்கள் அவருக்கு ஆதரவு தருவதாக பேட்டியில் கூறினார் அந்த டாக்டர்.இந்த குறிப்பிட்ட டாக்டரை நான் நியூஸ் டுடே சானலின் இடஒதுக்கீடு சம்பந்தமான விவாதத்தில் பார்த்துள்ளேன். இடஒதுக்கீட்டுக்கு எதிராக இவர் பேசினார் என்பதை சொல்லவும் வேண்டுமா?பூனைகுட்டி லேசாக வெளியே எட்டிப்பார்த்த கதை இது.

ஆனால் தலைவர் வேணு இதற்கும் கோட்டா அரசியலுக்கும் சம்பந்தமே இல்லை என்று இன்னொரு டகால்டி அடித்துள்ளார். டேமேஜ் கண்ட்ரோல் நன்றாகவே செய்கிறார் வேணு. அவரை விடுதலை போராட்ட வீரர் ரேஞ்சுக்கு உயர்த்திய மீடியாக்களும் நம் சக நண்பர்களும் இப்போது என்ன சொல்கிறார்கள் என்று தெரிந்துகொள்ள ஆசைப்படுகிறேன்

ஒரு அருமையான திரில்லர் திரைப்படம் பார்ப்பது போல் உள்ளது.என்ன நடந்திருக்க வேண்டும் என்று நாம் ஆசைப்படுவது வேறு.என்ன நடக்க வேண்டும் என்று நாம் ஆசைப்படுவது வேறு.ஆனால் யதார்த்தம் என்பது வேறு .ஆனால் எது நடக்கிறதோ அது நன்றாகவே நடக்கிறது.