Monday, October 09, 2006

Poetic (in)Justice

Michael Schumacher, Alonso, Formula One Car Racing

நேற்று நடந்த ஐப்பான் கிராண்ட்ப்ரீயி்ல் நடப்பு சாம்பியன் அலான்சோ வெற்றி பெற்றார். ஆக இதன்மூலம் அடுத்து நடக்கவிருக்கும் பந்தயத்தில் ஒரு புள்ளி பெற்றாலே (ஒரு வேளை சுமேக்கர் வென்றாலும்) அலான்சோ சாம்பியன் பட்டத்தை வெல்லமுடியும் என்ற சூழ்நிலை உருவாகி உள்ளது.

என்னை போன்ற சுமேக்கர் ரசிகர்களுக்கு இது ஒரு புறம் வருத்தமாக இருந்தாலும் அலான்சோவையும் பாராட்டவேண்டும் என்று நினைக்கிறேன். இந்த வருட சீசன் ஆரம்பத்தில் அலான்சோ முன்னணியில் இருந்தார். சுமேக்கருக்கு வாய்ப்பே இல்லை என்ற நிலை தான் இருந்தது.

ஆனால் தீடிரென்று சுமேக்கர் தொடர்ந்து சில போட்டிகளில் வென்றார். பார்முலா ஒன் அமைப்பாளர்களே பெராரிக்கு ஆதரவாக சில வேலைகளை செய்வதாக முணுமுணுப்புகள் எழுந்தன.டேம்பனர்(Dampener)என்ற ஒரு பொருளை வண்டியில் இருந்து விலக்கச்சொல்லி ரெனால்ட் கம்பெனிக்கு போட்டி அமைப்பாளர்கள் கேட்டுக்கொண்டது விமர்சிக்கப்பட்டது.

அதன்பிறகு நடந்த சில போட்டிகளில் சுமேக்கர் வெற்றிபெற்றார். நேற்றைய போட்டியிலும் சுமேக்கர் இன்சின் புகைவது வரை அவர் போட்டியில் முன்னணியிலேயே இருந்திருக்கிறார். ஆனால் துரதிஷ்டவசமாக இன்சின் அவரை கைவிட்டுவிட்டது. 2000 ம் ஆண்டுக்கு பின் அவர் இன்சின் பெயிலியர் ஆனது இப்போது தான்.பார்முலா ஒன் காரில் எத்தனையோ ஆயிரம் பாகங்கள் இருக்கிறதாம்.அத்தனையும் சரியாக வேலை செய்தால்தான் கார் முழு போட்டியையும் தாங்குமாம்.எப்படியும் மூன்று சதவீதம் பாகங்களில் பிரச்சினை வந்தே தீருமாம்.சுமேக்கருக்கு விதி விளையாடி விட்டது.

யார் கண்டது? அடுத்த போட்டியில்(பிரேசில் கிராண்ட்ப்ரி) மீண்டும் எதிர்பாராரது எதாவது நடக்கலாம்.சுமேக்கர் ரசிகனாக இருந்தாலும் நான் அலான்சோ ஜெயிக்க வேண்டும் என்றே இப்போது விரும்புகிறேன்.

11 comments:

அருண்மொழி said...

நான் Schumacher ரசிகன் இல்லை. அவர் தொடர்ந்து வெற்றி பெற்றதால் F1 போட்டிகள் விருவிறுப்பு இல்லாமல் இருந்தது. ஆனால் இந்த முறை Schumacher ஜெயிக்க வேண்டும் என்று நினைத்திருந்தேன். காரணம் Alonsoவின் அழுகை. F1 சரியில்லை, Renault Team சரியில்லை. நான் ஜெயிக்க கூடாது என்று பலர் ஆசைபடுகின்றனர் என திருவிளையாடல் நாகேஷ் மாதிரி புலம்பி தள்ளிவிட்டார்.

பரணீ said...

//சுமேக்கர் ரசிகனாக இருந்தாலும் நான் அலான்சோ ஜெயிக்க வேண்டும் என்றே இப்போது விரும்புகிறேன்.//
ஷுமேக்கர் ரசிகராக இருந்து கொண்டு அலான்சோ ஜெயிக்க வேண்டும் என்று விரும்புவதை வன்மையாக கண்டிக்கிறேன். :-)

முத்து(தமிழினி) said...

நன'றி அருண்மொழி,

அலான்சோ ஃப்லீங்சை புரிஞ்சிக்க முடியலையா?

பரணி,

:))

one wicket down...
iam waiting for potteakadai's comment

வைசா said...

மொனொகோ பந்தயத்தில் முட்டாள்தனமாக காரை சாலையோரமாக நிறுத்தாமல் விட்டிருந்தால்,

ஓரிரு பந்தயங்களுக்கு முன் மழை பெய்து கொண்டிருந்த போது சில்லுகளை மாற்றாமல் இறுதி வரை ஓடமுற்பட்டு வழுக்கி இன்னொரு காரில் மோதாமல் இருந்திருந்தால்,

Schumacher இன்னும் கிட்டவாக நின்றிருக்கலாம். ஆனால், ஏழுமுறை வென்றாகிவிட்டது. இனியும் எதற்கு?

வைசா

வைசா said...

இன்னுமொன்று: இம்முறை 10 புள்ளிகள் குறைவாக நிற்பதால், கடைசிப் பந்தயத்தில் டேமன் ஹில்லுக்கோ அல்லது ஜாக் வீல்னேவுக்கோ செய்தது போல் அலோன்சோவினுடைய காருடன் மோதுவதில் பயனில்லை :-))

வைசா

முத்து(தமிழினி) said...

vaisa,

iam following formula one for the past 3 seasons only..

wht is the story u mentioned in your last comment?

i could make that schumacher is like australian cricketers (in the sense that they can go to any extreme to win)

வைசா said...

இரண்டு கதைகளும் இதோ:

1992: வில்லியம்ஸ் காருக்காக ஓடிய அலெய்ன் ப்ரொஸ்ட் வெற்றி பெற்றார். இதில் விரக்தியுற்ற அயட்டன் சென்னா அடுத்த ஆண்டுக்கு வில்லியம்ஸ் காருக்குத் தாவினார்.

1993: முதலிரு பந்தயங்களிலும் அதுவரை பெரிய அளவுக்குப் பெயர் தெரியாத ஷூமக்கர் (ரெனோ காரில்) வெற்றி பெற்றார். துரதிருஷ்டவசமாக சென்னா அடுத்த பந்தயத்தில் கார் அடிபட்டு இறந்து போய்விட்டார்.
அதுவரை, சென்னாவுக்கு அடுத்ததாக இருந்த டேமன் ஹில் வில்லியம்ஸின் முதன்மை சாரதியானார். அந்த ஆண்டு கடைசிப் பந்தயத்தில் ஹில் ஷூமக்கருக்கு முன்னால் முடிக்கவேண்டும்.
பந்தயம் ஆரம்பமாகி ஷூமக்கர் முதலாவதாகவும் ஹில் இரண்டாவதாகவும் ஓடிக் கொண்டிருந்தனர். முதலாவது pitstop. இருவரும் ஒரே லாப்பில் சில்லுகளை மாற்றிக் கொண்டனர்.
முதலில் வீதிக்கு வந்த ஷூமக்கர் வேகமாக ஒரு மூலையில் திரும்ப முற்பட்டு காரைச் சுவருடன் மோதிக்கொண்டார். பின்னே வந்த ஹில் தாண்டிச் செல்ல முற்பட்டபோது, ஷூமக்கர் காரை திடீரென வெட்டித் திருப்பி ஹில்லின் காருடன் மோதி விட்டார் (சில்லில்). ஹில்லின் கார் சிறிது தூரத்திலேயே நின்று விட்டது. எல்லோரும் ஷூமக்கரைக் குற்றம் சாட்டியபோது, "நான் ஹில்லின் காரைக் காணவில்லை" என்று கூறிவிட்டார். யாரும் நம்பவில்லை. ஆயினும், பரவாயில்லை இம்முறை நம்புவோம் என்று விட்டுவிட்டார்கள்.

1999: ஷூமக்கர் ஃபராரிக்கு மாறியிருந்தார் (1994ல் இருந்து). வில்லியம்ஸுக்கு ஜாக் வீல்னேவ் என்ற கனடியர். கடைசி பந்தயம். ஷூமக்கர் வீல்னேவை விட முன்னால் முடித்தால் வெற்றி. பந்தயம் தொடங்கியபோது, மற்ற ஃபராரிக் கார் (எடி ஏவைன்) முன்னணி. ஷூமக்கர் இரண்டாவது. வீல்னேவ் இன்னும் பின்னால். வீல்னேவ் மிகச் சிறப்பாக ஓடி
முன்னேறிக்கொண்டே இருந்தார். ஒரு கட்டத்தில் எடி ஏவைன் வேகத்தைக் குறைத்து ஷூமக்கரை முதலாவதாக ஆக்கினார். அதன் பிறகு எடி ஏவைன் தன்னால் எவ்வளவு வேகம் குறைவாக ஓட முடியுமோ அப்படி ஓடி வீல்னேவை தாமதப் படுத்தினார்.
ஒரு 10 லாப்புகள் தான் அப்படி. வீல்னேவ் ஏவைனைத் தாண்டிச் சென்றார். ஷூமக்கரை விட வீல்னேவின் கார் வேகமாக ஓடியது.
விரைவிலேயே அவர் ஷூமக்கருக்கு அண்மையில் போய் விட்டார். வீல்னேவ் பயமில்லாதவர். அடுத்த சில லாப்புகளிலேயெ ஷூமக்கரை தாண்ட முயற்சி செய்தார். ஆனால் ஷூமக்கர் தடுத்து விட்டார். ஆயினும் ஒரு மூலையில் வீல்னேவ் உள்பாதையை எடுத்துக் கொண்டு முன்னேற முயன்றார். தன்னைத் தாண்டி வீல்னேவ் செல்வதைப் பார்த்த ஷூமக்கர் காரை வீல்னேவ் காரை நோக்கி வெட்டினார். அந்தோ பரிதாபம். அவருடைய நேரக் கணிப்புச் சரியில்லை. வீல்னேவின் சில்லில் படாமல் ஷூமக்கருடைய சில்லு வீல்னேவின் காரின் நடுப் பகுதியைத் தாக்கியது. ஷூமக்கரின் காரின் கதை முடிந்தது. ஆனால் வீல்னேவ் முன்னே சென்று ஓடி முடித்து வெற்றி பெற்றார். ஷூமக்கர் குற்றவாளியாகக் காணப்பட்டு அந்த ஆண்டு அவர் எடுத்த அத்தனை புள்ளிகளும் நீக்கப்பட்டன.

வைசா

முத்து(தமிழினி) said...

வீல்னேவ் தாத்தா என்று தெரியும்.நேரம் கிடைக்கும்போது எலலாம் சுமேக்கரை அவர் திட்டுவதும் போட்டு பார்ப்பதும்இதனால் தானா?

நன்றி வைசா தகவல்களுக்கு

பெத்த ராயுடு said...

//Schumacher இன்னும் கிட்டவாக நின்றிருக்கலாம். ஆனால், ஏழுமுறை வென்றாகிவிட்டது. இனியும் எதற்கு?
//

ஏங்க, இனிமேலும் சச்சின் எதுக்கு சதமடிக்கணும்னு கேக்கறாப்ல இருக்கு.

தல, எட்டு தடவ சாம்பியன்ஷிப் ஜெயிச்சு அழுத்தமா முத்திரை பதிக்க நெனச்சாரு...

ஒரு ப்ராட்மேன்!...
ஒரு ஜோர்டான்!...
ஒரு ஷூமேக்கர்!...

அவ்வளவுதான்.

ஆனா, post-suzukaa பேட்டியில தத்துவார்த்தமா பேசினாப்புல இருக்கு.

பரணீ said...

//1993: முதலிரு பந்தயங்களிலும் அதுவரை பெரிய அளவுக்குப் பெயர் தெரியாத ஷூமக்கர் (ரெனோ காரில்) வெற்றி பெற்றார்.//

அது நடந்தது 1994, 1993 -ல் அல்ல, காரும் Ranault அல்ல Benetton ( Engine - Ford ) - From 1995 only Benetton started using Renault Engines.
அப்புறம் ஷுமேக்கர் பேரு எல்லருக்கும் அப்பவே நல்ல தெரியும், அவர் பந்தயத்தில் கலந்து கொள்ள ஆரம்பித்தது 1991 ல், He was 3rd in the 1992 Season ahead of Senna (4h Place) and 4th in 1993 season / Senna finished at 2nd Place.

In the year 2000 Benetton was purchased by Renault but Ranault maintained the Benetton name for the 2000 season and the 2001 season before renaming the team Renault F1 for the 2002 season.

//1999: ஷூமக்கர் ஃபராரிக்கு மாறியிருந்தார் (1994ல் இருந்து). வில்லியம்ஸுக்கு ஜாக் வீல்னேவ் என்ற கனடியர். கடைசி பந்தயம். //
Schumi went to Ferrari in the your of 1996 / and this incident happened during 1997 Season .

வைசா said...

I stand corrected.

vaisa

தமிழ்வெளியை பார்த்தீங்களா?